29.08.2008

Hüt heimer widr es paar Föteli vom Felix becho... Isch eifach scho uuuuuu schnusig dä chli Kater.... ;o)

Mir hoffe daser sini härzige Blaue Auge bhautet.... :)

Klein Felix uf Entdeckigsreis... Was gits denn do intressants um Stroh???

Huch... Het äuä öppis gfunde...;o)

Und do heimer no es Föteli vom Felix und sim einte vo zwöi Schwöschterli, d Nora... Si wäri denn no zha, wie s Zwöite Meiteli au... :)

26.08.2008

Es isch hüt zobe churz nach de 5i sowit gsi, mi Giftzwärg het sini erschti 10'000km Marke knackt... Und, es macht immer no so Spass wie bim erschte km....;o)

25.08.2008

So, geschter isches sowit gsi, mir si es chlises Brüederli för mis Müsi go aluege... Leider heimer üse Kater siteme Zitli nüm u sithär isst die chli nüm richtig... Us däm Grund heimer beschlosse gha das die chli widr es Gspändli muess becho (usser em Chüngu wo si gäng goht go ziggle)... :)

Das do wäre dr Sid (Chüngu) und dr Willi (Meersöili)....

(Ja wie dr richtig gseht wohne die bi üs ir Stube, d Tierli ghöre bi üs zur Familie drzue und wohne somit unter eim Dach bi üs...)

Das wär denn üses Müsi, eigentlech würd si jo Blacky heisse aber ebe.... ;o) Übrigens auch genannt Diva...;o)

Und das do wär denn üse Nöizuewachs ab Ändi Septämber, Dr Felix... ;o) Är isch ebe ersch knapp 6 Wuche aut und daher muesser no chli bim Mami blibe... :) Und übrigens, är cha de Bärndütsch, isch e chline Ämmitaler...;o)

So, am Fritig 8.8.08 am 20.08 Uhr isches widr so wit gsi.... Dr MPC Höck isch vor dr Tür gstande....;-) Mir hei e churze Boxestopp z Köllike uf dr Raststätt gmacht um aui uf z sammle u si de nächer richtig Schinznach-Dorf uf d Röschtifarm... För serig wo gärn Röschti hei chame si nume empfähle...;-) Leider hani nid so vöu Pics da i im ganze Stress inne mini Digicam ha lo ligge Deheime... *andenkopffass* Aber 2 hani de doch gschosse.... ;-)






Dr grüen Clubby isch Airbrushet gsi... So wieni mitbecho ha het das dr Bsitzer säuber gmacht gha... I u d Pinki si natürlech nid verträtte gsi ufem Föteli, mir hei widr mou e Äxtrawurscht gha...;-) Es isch widr mou e super luschtige Obe gsi, mit gwüssne Zwüschefäll woni do jetz nid wot witer vertiefe.... (Die wo drbi gsi si wüsse vo was dasi rede....) Am morge am 2.00 Uhr hani de dr Wäg is Bett au gfunde gha...:-)



Aaaaaber, s Abentüür MINI isch noni fertig gsi... Woni am Samschtig morge hei bi zu mim Deheime stoht doch das vor dr Tüür:

E MINI Cooper S... Im Nochber sim Schatz sine.. (*hüstel* wohlgemrkt, mi Nochber isch Männlech u dr Fahrer vom MINI au..... ) ;-)





Okay, die wo mi Blog scho mou agluegt hei, hei sicher bemerkt dasi e nöi Opel Corsa OPC fahre und wörde sich sicher jetz Froge: Wiso isch die im MPC u het MINI's ufeglade??? *überleg*
Aber me cha das so erkläre: MPC steit för MINI POWER CLUB (aui wo e MINI hei u sich dört noni agmäudet hei: www.mini-power.ch).. I hamer doch tatsächlech mou überleit gha e MINI z chaufe aber wär mi könnt weiss, dases ganz sicher nid "nume" bimene Cooper S blibe wär... Ha jedoch denn abgwunke da är mir eifach z tüür gsi isch... that's life... Janu, jetz bini ebe dört Passiv-Mitglied u ha au nid vor das ir nöchschte Zit z ändere.... Und i cha nume säge, es si eifach mega liebi u nätti Lüüt u meh het gäng e riise Fuehr mitne, ha ämu bis jetz no jedesmou Muskukater gha vom lache darum chani dr MPC nume empfähle.... :-) Und mini Liebe, ha üch aui ganz fescht gärn.... :-)
So, de wär das jetz au mou klärt... Aber jetz goni de is Bett... Auso, pfuuset aui no guet... *winke*